EduDistance-da General English proqramı ingilis dilində möhkəm baza formalaşdırmaq, danışıqda sərbəstlik qazanmaq və bütün əsas dil bacarıqlarını paralel inkişaf etdirmək istəyən tələbələr üçün nəzərdə tutulub.
Həftədə 6 günlük proqram
General English hazırlığı 4 əsas dərs və 2 əlavə praktiki məşğələ olmaqla həftənin 6 günü davam edir:
- 2 nəzəri dərs – hər biri 90 dəqiqə
- 2 praktiki danışıq dərsi – hər biri 60 dəqiqə
- 1 film izləmə və müzakirə məşğələsi
- 1 Listening praktikası – dinləmə və test tapşırıqları
Nəzəri dərslərdə qrammatika, söz ehtiyatı və əsas dil bacarıqları üzərində işlənilir. Praktiki dərslər isə tələbənin öyrəndiklərini danışıqda istifadə etməsinə və özünü ingilis dilində daha sərbəst ifadə etməsinə yönəlib.
Həftəlik film izləmə və müzakirə məşğələləri tələbələrin real danışıq dilinə alışmasına, yeni ifadələri kontekstdə öyrənməsinə və Speaking bacarığını inkişaf etdirməsinə kömək edir. Listening praktikasında isə tələbələr xüsusi proqram əsasında dinləmə və test tapşırıqları işləyərək dinləyib-anlama bacarıqlarını inkişaf etdirirlər.
3–6 nəfərlik kiçik qruplar
Dərslər 3–6 nəfərlik kiçik qruplarda həm əyani, həm də onlayn formada təşkil olunur. Qrupların kiçik saxlanılması hər bir tələbəyə daha çox diqqət ayrılmasına və dərslərdə aktiv iştirakına imkan yaradır.
Hər səviyyə orta hesabla 2,5–3 ay davam edir. Səviyyənin sonunda yekun yoxlama imtahanı keçirilir və tələb olunan nəticəni əldə edən tələbə növbəti səviyyəyə keçir.
Fərdi Workshop sistemi
EduDistance-da General English proqramının əsas üstünlüklərindən biri fərdi yanaşmadır. Tələbənin hər hansı mövzuda çətinlik yaşadığı müəyyən edildikdə Workshop sistemi işə düşür və həmin mövzu üzərində tələbə ilə əlavə şəkildə işlənilir.
Beləliklə, tələbənin proqram boyunca yaranan boşluqları vaxtında müəyyən edilir və növbəti səviyyəyə keçməzdən əvvəl onların aradan qaldırılmasına çalışılır.
Hər səviyyənin sonunda nə əldə edirsiniz?
Hər səviyyə ərzində tələbənin söz ehtiyatı, qrammatika, Writing, Listening, Speaking və tələffüz bacarıqları sistemli şəkildə inkişaf etdirilir. Məqsəd yalnız qrammatik qaydaları öyrənmək deyil, tələbənin əldə etdiyi biliklərdən öz səviyyəsinə uyğun şəkildə sərbəst və praktik istifadə edə bilməsidir.
General English proqramının aylıq ödənişi səviyyədən asılı olaraq 130, 140 və ya 150 AZN təşkil edir.
EduDistance-da General English dərsləri haqqında ətraflı məlumat almaq və dil səviyyənizi müəyyənləşdirmək üçün bizimlə əlaqə saxlaya bilərsiniz.
Rəqəmlərlə: ingilis dili səviyyələri (CEFR) və uyğun Cambridge imtahanı
| CEFR səviyyəsi | Cambridge imtahanı | Nəyi təsdiqləyir |
|---|---|---|
| A2 | A2 Key | sadə gündəlik situasiyalarda əsas səviyyədə ünsiyyət |
| B1 | B1 Preliminary | orta səviyyə: dilin əsasları və gündəlik praktik bacarıqlar |
| B2 | B2 First | ingilisdilli mühitdə inamlı və səmərəli ünsiyyət |
| C1 | C1 Advanced | universitetə və peşə həyatına hazırlıq üçün yüksək səviyyə |
| C2 | C2 Proficiency | dilə müstəsna səviyyədə yiyələnmə |
CEFR dil bacarığını A1-dən (başlanğıc) C2-yə qədər altı pilləli şkalada təsvir edən beynəlxalq standartdır.
Mənbə: Cambridge English Qualifications — Cambridge English · CEFR — Cambridge English (oxundu: 2026-09-29)
